Një nënë 40-vjeçare dhe vajza e saj 8-vjeçare u gjetën të zhveshura brenda makinës së tyre natën e Pashkëve në zonën e dokut të Pisanit, në Pisa. Mësohet se ka qenë e motra e 40-vjeçares, ajo që kishte bërë kallëzim në polici për zhdukjen e dy femrave.
Sipas hetuesve, nuk mund të përjashtohej që të bëhej fjalë për një largim vullnetar për arsye ende të paqarta. Dhe ka edhe zëra për përfshirjen e supozuar të ndonjë sekti fetar. Për momentin hetuesit nuk kanë mundur që të sekuestrojnë celularin e 40-vjeçares.
Të dyja ato kanë shkuar në spital, por gruaja nuk ishte në gjendje të sqaronte se si dhe pse arriti me makinë në një zonë të destinuar për aktivitete lundrimi me varkë. Karabinierët vunë re makinën me nënën dhe vajzën të zhveshura, dhe menjëherë kërkuar edhe ndihmë mjekësore.
Nënë e bijë janë në gjendje të mirë shëndetësore, por duket se të dyja nuk kanë thënë asnjë fjalë, në gjendje shoku. Komisariati i Pizës ka saktësuar se rrobat janë gjetur jashtë makinës. Mbetet dyshimi për zhdukjen e celularit. Analizat mjekësore të kryera te nëna dhe vajza dhanë rezultate negative: të dyja nuk kishin pësuar dhunë.
Discussion about this post