Policia ka reaguar përmes një komunikate zyrtare në lidhje me ngjarjen në Lezhë, ku u përfshi nga flakët zyra e noterit Vasil Martini. Blutë bëjnë me dije se nga këqyrja paraprake, administrimi i të dhënave dhe pyetja e personave që kanë dijeni për gjithë dokumentacionin që ndodhej në zyrën noteriale në momentin e rënies së zjarrit. Deri më tani konfirmohet se ka dëme të konsiderueshme dokumentacioni, por janë dokumentacione që mund sigurohen përsëri.
Nuk dihet nëse zjarri ka qenë i qëllimshëm, apo ka ndodhur si pasojë e ndonjë shkëndije elektrike. Gjithsesi, vazhdojnë veprimet hetimore në bashkëpunim me ekspertë dhe Prokurorinë e Rrethit Gjyqësor Lezhë për përcaktimin e shkakut të djegies dhe dokumentimin e plotë të ngjarjes.
Discussion about this post