Vasil Martini, noteri i cili iu dogj sot zyra në Lezhë, ka folur për mediat dhe ka dhënë dëshminë e tij lidhur me ngjarjen. Dyshimet e para janë për zjarr-vënie të qëllimshme, megjithatë Martini e hodhi poshtë këtë pistë duke thënë se ai nuk ka konflikt të hapur me asnjë person. Ai tha se për zjarrin është njoftuar me telefon dhe se si pasojë e flakëve dëmet në zyrë janë të mëdha.
“Jam njoftuar në orën 4:00 të mëngjesit se kishte zjarr në zyrën time. Kam ardhur me vrap, kam njoftuar zjarrfikëset dhe kam ndërhyrë për të shuar zjarrin. Si rezultat i flakëve, zyra ka pësuar disa dëme shumë të mëdha. Dua të komunikoj përmes jush me qytetarët e Lezhës dhe të gjithë klientët e mi, që kanë marrë shërbim në zyrën time se i gjithë dokumentacioni është i ruajtur, i siguruar dhe i rikuperueshëm në masën 100%. Zyra është e formatuar sipas ligjit për noterinë.” tha Martini
Ndërsa shtoi se është herët për të folur për shkaqet e flakëve në zyrë, por kërkoi nga policia që të vazhdojë rregullisht hetimet dhe të dalin në një konkluzion të saktë. “Është shpejt për të folur për shkakun e zjarrit është detyrë e organeve kompetente. Unë kam për detyrë të garantoj qytetarët se çdo akt në zyrën time është i sigurtë dhe do rikuperohet sapo zyra të jetë funksionale”, tha ai. Kujtojmë se ngjarja ka ndodhur në orët e para të ditës së sotme dhe pa pasur dëme të mëdha materiale.
Discussion about this post