Në një konferencë që po zhvillon sot me gazetarët komisioneri Shtetëror për Zgjedhjet, Ilirjan Celibashi u pyet në lidhje me shitblerjen e votave. Ky është një fenomen mjaft i pranishëm në proces zgjedhore në vendin tonë, por KQZ duket se ngre duart lartë dhe e kalon përgjegjësinë në instanca të tjera. Celibashi u shpreh se institucioni që ai drejton nuk mund të bëjë asgjë sa i takon fenomenit të shitblerjes së votave. Më tutje, ai tha se kushdo që ka prova që mund të faktojnë shitblerjen e votave, duhet ti drejtohen Prokurorisë.
“Nëse ka shitblerje KQZ nuk ka asgjë për të bërë, në rastin kur këto shkelje pretendohen që ka ndodhur, duhet ti adresosh pranë organeve të prokurorisë. Nëse ke prova duhet të qasesh drejt organeve të drejtësisë, do të duhet të kuptojmë se kush bën çfarë në lidhje me procesin zgjedhor.
Ajo që ka tagër të bëjë KQZ është fushatat informuese. Ka një mori institucionesh që duhet të angazhohen te kjo çështje, nëse koha ecën, rekomandimet e OSBE ODHIR nuk do të adresohen, gjithçka do të mbyllet me një marrëveshje”, tha Celibashi.
Celibashi u shpreh se pavarësisht kohës që po ecën, partitë politike ende nuk kanë bërë asnjë reflektim. Kreu i KQZ tha se sa më shumë koha kalon, aq më shumë do të vështirësohet përgatitja e zgjedhjeve të ardhshme, që janë pas rreth një viti për pushtetin vendor.
Discussion about this post