Barcelonës i dështoi operacioni për të sjellë Wijnaldum në “Camp Nou” dhe tani po kërkon për emra të tjerë në 5 ligat e rëndësishme në Europë.
AS raporton se katalanasit kanë zgjedhur Lorenzo Pellegrinin. Kapiteni i Romës ka edhe një vit në kontratë me Romën dhe kjo është mundësia e fundit për kryeqytetasit për ta shitur me çmim të arsyeshëm.
Mesfushori është një nga pikat më të forta të Romës, por një transferim te Barcelona do pritej me krahëhapur nga 24-vjeçari, që është pjesë e pandashme e kombëtares së Italisë.
Ai do përbënte një treshe mjaft interesante me De Jong dhe Pedri në mesfushë, me italianin, që do i besohej qendra e atij reparti. Vlera e tij në merkato është 40 milionë euro, por Barcelona mund ta sigurojë me më pak se gjysma e kësaj shifre.
Shoku i skuadrës së Marash Kumbullës ka aftësi shumë të mira edhe në ofensivë,duke numëruar 11 gola dhe 9 asiste me Romën këtë sezon.
