Presidenti, Vladimir Putin nuk ka ndërmend që të tërhiqet nga Ukraina pa arritur objektivat ushtarake në rajonin Donbas të Ukrainës lindore, të cilat, thotë ai, do t’i lejojnë njerëzit të rifillojnë jetën e tyre normale. Putin e ka thënë këtë në një takim në Kremlin që synonte të promovonte Rusinë si një tokë mundësish, Putin tha se Moska ishte detyruar të fillonte një “operacion ushtarak” në Ukrainë për shkak të “tragjedisë” që po ndodhte në Donbas.
“E thashë që në fillim – qëllimi i këtij operacioni është të ndihmojmë njerëzit tanë që jetojnë në Donbas” – tha ai.
Duke iu drejtuar një vajze që iu bashkua takimit nga Sevastopoli në Krime, të cilën Rusia e aneksoi nga Ukraina në 2014, ai tha: “Ne do të veprojmë në mënyrë të vazhdueshme dhe do të sigurohemi që jeta atje gradualisht do të bëhet normale, do të ndryshojë për mirë – ashtu siç i ndodhi. ju, në jetën tuaj, në Sevastopol.”
Discussion about this post