Deputeti i Partisë Demokratike, Dashnor Sula ka dalë kundër bojkotimit të procesit të zgjedhjes së presidentit të republikës. Në fjalën e tij në mbledhjen e Grupit Parlamentar, ai ka thënë se koha e ka treguar se ne nuk kemi fituar asgjë nga bojkotet.
Sula deklaroi se për këtë bazohet tek bojkotimi që PD-ja bëri në 2014 me Reformën Territoriale dhe më pas foli për djegien e mandateve të deputetëve që sipas tij ishte një çmenduri. Ai vazhdon më tej duke deklaruar se zgjedhjet lokale ishin një tjetër çmenduri dhe se PD nuk përfiton nga bojkotet pasi e pa në 6 mars sa e vështirë është.
“Çfarë na pengon neve deputetët e opozitë që me 28 firma të çojmë propozimin tonë në kuvend. Pastaj le ti mbesë mazhorancës turpi i zgjedhjes. Tani thoni që presidenti është pa kompetenca dhe Rama e zgjedh vet se i ka votat. Po ishte marrëveshja e 21 prill 2008 që e bëri presidentin pa kompetenca që unë së bashku me disa kolegë në atë kohë votuan kundër kësaj”, ka thënë ai.
Më tej ai ka propozuar që deputetët e opozitës të dërgojnë në Kuvend propozimin e tyre, duke u shprehur se vendimi i turpit le t’i mbesë mazhorancës.
Discussion about this post