Ish-kryeministri Sali Berisha në fjalën e tij në Kuvend ka reaguar ashpër ndaj kryeministrit Edi Rama ku duke përdorur retorikën e tij, tha se opozita do t’i “garantojë 100% vdekje politike Ramës.
Nga foltorja e Kuvendit, Berisha tha se Rama po përjeton ankthe pasi ka vjedhur shqiptarët, ndërsa shton se ai është i tmerruar kur sheh që bashkëpunëtorët e tij janë në birucë.
“Psikoza e vdekjes e kap njeriun kur ia ka kryer krime që tejkalojnë në dëmet e tyre edhe vrasjet. Psikoza e vdekjes e kap njeriu kur bashkëpunëtorët e tij ndodhën në biruca dhe çdo natë e thërrasin eja tek ne, siç është rasti i Bllakos. Psikoza e vdekjes e kap njeriun kur e di se është kapur në flagrancë duke vjedhur votën e shqiptarëve. Ai përfytyron natën me ankthe. Psikoza e vdekjes e kap njeriun që vjedh dhe është i tmerruar nga trofetë që ka vjedhur… Opozita jo vdekjen biologjike, por vdekjen politike do t’ja garantojë 100%”, tha Berisha.
Discussion about this post