Komisioni i Rithemelimit njofton se ka nisur procesi i votimit për zgjedhjen e kryetarit të Degës së PD Dibër. Kutisë së votimit do ti drejtohen 1200 anëtarë të Partisë Demokratike Dibër.
Procesi i votimit është hapur në orën 8.00 e do të mbyllet në orën 17.00. Në rast se në Qendrat e Votimit do të ketë ende votues, procesi do të vijojë edhe pas orës 17.00, deri kur edhe anëtari i fundit i PD së degës përkatëse të ketë votuar.
Ky proces për zgjedhjen e kryetarit vjen pas një organizimi që ka bërë grupi i Rithemelimit në të gjitha seksionet. Kandidatë për kryetar të PD Dibër janë Ilir Krosi ish kryetar i Bashkisë Peshkopi dhe Hamza Leshi ish kryetar i komunës Kastriot.
Discussion about this post