Daja i fëmijëve të Kudret Saliajt kërkon kujdestarinë e të miturve, pasi nëna e tyre, Dhurata Saliaj ndodhet në burg, nën akuzën e vrasjes së ish-burrit, në bashkëpunim me babanë e saj Mexhit Picari.
Tashmë beteja mes dy familjeve ka kaluar për kujdestarinë e fëmijëve në Gjykatë, ku kanë bërë kërkesë si xhaxhai ashtu edhe daja i tyre.
Çifti që ishte në proces divorci kishte 3 fëmijë të mitur, ndërsa vrasja e Saliajt ndodhi pak përpara se në Gjykatën e Tiranës të zhvillohej seanca për kujdestarinë e fëmijëve.
Kujtojmë se ngjarja e rëndë ndodhi para një viti ku Mexhit Picari, një ish-polic hyri në lokal dhe hapi zjarr drejt ish-dhëndrit duke e qëlluar për vdekje, ndërsa u plagos edhe avokati Adriatik Cama, që ndodhej në një tavolinë me viktimën.
Për këtë ngjarje është arrestuar Mexhit Picari dhe vajza e tij Dhurata, kjo e fundit akuzohet për bashkëpunim në vrasje dhe ndodhet në burg duke vuajtur dënimin.
Discussion about this post