Prej kaq kohësh Edi Rama ka shprehu se qeveria po përgatit draftin për legalizimin e kanabisit. Ndërkohë, Ministri i Brendshëm Bledi Çuçi thirri të gjithë krerët vendorë të policisë në ambientet e Drejtorisë së Përgjithshme të Policisë së Shtetit për të kërkuar forcimin e kontrolleve dhe tolerancë zero ndaj kultivimit të kanabisit.
Policia e Shtetit ka nisur kontroll masiv të të gjithë territorit për parandalimin e kultivimit të bimëve narkotike, duke theksuar se disa qytete janë vërtet problematike
“Sot ishte për të bërë një analizë me drejtorin e Përgjithshëm dhe të gjithë drejtorët dhe shefat e komisariateve. Bëmë një analizë të planit të 4 mujorit të parë dhe lamë detyrën për 4 mujorin e ardhshëm. Fokusi është parandalimi i kultivimit të kanabisit. Këtu tolerance është zero. Policia ka të gjitha mundësitë, aftësinë dhe mënyrat për ta minimizuar në maksimumin historik këtë fenomen negativ” tha Çuçi.
Ministri nënvizoi se do të shtohen kontrollet për të parandaluar abuzimet të veshura nën petkun e kanabisit industrial.
“Nuk kanë lidhje fare me njëra tjetrën. Ia përmenda të gjithë strukturave. Nuk ka asnjë lidhje. Përkundrazi do të shtojmë kontrollet që të mos abuzojë askush qoftë i keqkuptuar qoftë duke përdorur një mundësi për të rritur kultivimin. Tolerancë zero ndaj kultivimit të kanabisit të paligjshëm nuk ka të bëjë fare me kanabisin industrial”, tha ai. Kujtojmë se edhe ekspert të kriminalistikës, edhe ekspert të shëndetësisë nuk janë plotësisht darkod për legalizimin e kanabisit.
Discussion about this post