Ilir Krosi është zgjedhur kreu i PD-së në Dibër. Mësohet se nga zgjedhjet që u mbajtën ditën e sotme, Krosi arriti të merrte 528 vota, ndërkohë që kundërshtari i tij, Hamza Lleshi mori 148 vota.
Ndërsa 5 fletë votimi kanë rezultuar të pavlefshme.
Në zgjedhjet për kryetarin e ri të degës së PD në Dibër kanë marrë pjesë 680 anëtarë demokratë me të drejtë vote.
Po ashtu gjatë ditës së sotme, janë përzgjedhur katër kandidatët që do të konkurrojnë për kreun e Degës së Partisë Demokratike në Kurbin.
Komisioni i Organizimit dhe Kontrollit të Operacioneve në njoftimin e saj ka bërë të ditur se ditën e shtunë me datë 23.04.2022 në ambientet e zyrës së PD Laç nga ora 8.00 deri ne orën 18.00 do të zhvillohet gara për e kryetarin PD-së.
Discussion about this post