Një shpërthim me tritol ka tronditur Durrësin mbrëmjen e sotme. Burime nga policia bëjnë me dije se ngjarja ka ndodhur rreth orës 22:20, në fshatin Katund i të Ri.
Të njejtat burime bëjnë me dije se sasia e trtiolit është vendosur në derën e jashtme të dyqanit të personit me iniciale H. G., 54 vjeç.
Si pasojë është dëmtuar vetëm qepeni i jashtëm i derës së dyqanit.
Pritet të zbardhen detaje të reja, pas marrjes në pyetje të 54 vjeçarit.
Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorit.
Discussion about this post