Zgjedhjet për kreun e degës së PD në Kurbin, shtyhet procesi i votimit

në Aktualitet

Kohë leximi: 1 min

Procesi i votimit për drejtuesin e degës së Partisë Demokratike në Kurbin po vazhdon jashtë orarit zyrtar, për shkak të zgjedhësve që presin në radhë.

Votimi do të vijojë derisa votuesi i fundit të ushtrojë të drejtën e tij, njofton selia blu. Partia Demokratike po vijon zgjedhjet e reja në të gjitha degët.

Në 30 prill PD mbledh Kuvendin Kombëtar ku do të zgjidhen forumet drejtuese si dhe do të hapet gara për kryetarin e partisë. PD ndodhet në proces riorganizimi për zgjedhjet e ardhshme vendore, ato të 2023.

Sakaq kujtojmë se, ditën e hënë do të zhvillohen zgjedhjet për kryetarin e ri të degës së PD në Lezhë. Në garë janë përfshirë 5 kandidatë. Votimi do të nisë në orën 08:00 dhe do të mbyllet në 17:00, sipas orarit zyrtar.

Por Komisioni i Organizimit dhe Kontrollit të Operacioneve Elektorale të PD njofton se qendra e votimit do të qendrojë hapur deri kur të votojë demokrati i fundit.

Kandidatët për PD-në e Lezhës:

Alen Kola
Anton Gjoni
Arben Ndoi
Donika Ndoj
Soveljan Kosova