Gjimnastja olimpike ruse që besohet se është partnerja e presidentit Vladimir Putin, ka dalë për të udhëhequr një festival të gjimnastikës ritmike në Moskë.
Alina Kabaeva, 38 vjeçe, doli për të moderuar ‘Alina Festival’, duke rrëzuar thashethemet se ajo qëndronte e fshehur në Zvicër ose në një bunker në Siberi.
Kabaeva ka shënuar një dalje të rrallë publike, e cila mendohet se është zonja e Putin dhe mamaja e katër fëmijëve të tij, të cilët ai nuk i ka njohur kurrë zyrtarisht.
Ajo është shfaqur në skenë së bashku me qindra fëmijë të vegjël në ngjarjen shumë patriotike që shfaqte një kor ushtarak dhe simbolin famëkeq rus ‘Z’, i cili është bërë sinonim i luftës në Ukrainë .
Festivali përfshinte këngët patriotike të Bashkimit Sovjetik në një festë të fitores së vendit mbi nazistët, por tema synonte të rriste mbështetjen për ‘operacionin special ushtarak’ të ushtrisë ruse në Ukrainë.
Gjimnastja mbajti një fjalim emocionues duke e lidhur fitoren mbi nazizmin në Luftën e Dytë Botërore me ngjarjet në Ukrainë.
“Çdo familje ka një histori lufte dhe ne nuk duhet ta harrojmë kurrë, por ta përcjellim brez pas brezi”, -tha ndër të tjera 38 vjeçarja.
Putin pritet të përdorë Ditën e Fitores, 9 majin për të marrë një lloj fitoreje nga lufta e tij në Ukrainë, pavarësisht nga numri i të vdekurve rus që mendohet të kalojë 20,000.
Shfaqjet në Festivalin Alina pritet të transmetohen në televizionin shtetëror në prag të Ditës së Fitores. Ndryshe nga dy vajzat e rritura të Putinit, Maria dhe Katerina, Kabaeva nuk është sanksionuar nga Perëndimi.
Discussion about this post