U shtynë pas konfliktit për listat/ PD mban zgjedhjet në Bulqizë, tërhiqet një nga kandidatët

Ditën e sotme ka nisur procesi i votimit për kryetarin e degës së Partisë Demokratike në Bulqizë, proces i cili ishte parashikuar të dielën por u shty pas përplasjes për listat e votimeve. Kandidati Fatos Hoxha pretendoi se ishin shtuar në listë afro 500 anëtarë, çfarë shkaktoi debat mes tyre dhe votuesve.

Në garë për kryetar të degës janë Fatos Hoxha dhe Shaqir Manjani, pasi njëri nga kandidatët Defrim Fiku i cili ishte dhe kryetari aktual është tërhequr gjatë ditës së djeshme.

Zgjedhjet për kryetar dege në Bulqizë ishin parashikuar ditën e diele, por pas mosmarrëveshjeve mes kandidatëve dhe votuesve, procesi u shty për të rinisur sot. Zgjedhjet për kryetarë dege pritet të mbyllen të premten, pasi ditën e shtunë PD mban Kongresin e partisë.