Grupi parlamentar i Partisë Demokratike pritet të mblidhet ditën e sotme në kulmin e debateve të brendshme. Mësohet se në fokus të mbledhjes do të jenë emri i ri për Presidentin dhe zgjidhja e konfliktit të brendshëm, megjithëse debati në mbledhje e shkuara është përqendruar te konflikti Berisha-Alibeaj.
E njëjta gjë pritet të ndodhë dhe mbledhjen e sotme, ku debatet nuk do të mungojnë pasi gjykata e Apelit vendosi të pranojë kërkesën e Enklejed Alibeajt për ankimin e vendimit që njeh “Rithemelimin” si organin drejtues të PD.
Në ankesën dërguar gjykatës, Alibeaj kërkon prishjen e vendimit të marrë nga gjyqtari ose shqyrtimin me një tjetër trupë gjykuese.
Në dy mbledhjet e fundit Sali Berisha dhe Rithemelimi kanë atakuar Enkelejd Alibeajn, pasi sipas tyre nuk është përfaqësues i denjë për të qëndruar në krye të Grupit Parlamentar të PD, ndërsa ky i fundit kërkon që të anulohen zgjedhjet në struktura.
Pavarësisht se e drejta për të drejtuar PD-në është në proces gjyqësor, Komisioni i Rithemelimit vijon të zhvillojë zgjedhjet në degët e PD-së, ndërsa të shtunën pritet të mbahet Kuvendi Kombëtar i PD.
Discussion about this post