Gjatë vizitës së tij në SHBA, deputeti Agron Gjekmarkaj, ka pasur një debat publik me veteranët e New York-ut. Deputeti i PD-së u pyet lidhur me situatën që po përballet PD, ndërsa u shpreh se vendimi për shpalljen “non grata” për ish-Kryeministrin Sali Berisha u morr nga SHBA. Gjekmarkaj tha se interesat personale të çdokujt nuk mund të jenë mbi interesat e partisë, sikundër interesat e një partie, cilado qoftë ajo, nuk mund të vihen mbi interesat e Shqipërisë apo kombit shqiptar. Gjekmarkaj tha se nuk është as për Sali Berishën as për Lulzim Bashën kryetar, por për një kryetar të zgjedhur nga vet demokratët.
“Nuk jam një politikan karriere, jam shumë i vogël për të bërë një ndarje mes ambasadores, DASH, Ambasadorit Biden, por di që vendimi u morr nga SHBA” – tha Gjekmarkaj.
Gjatë debatit, ai ka pohuar se ka paraqitur dorëheqjen nga funksionet partiake në PD, por vazhdon të jetë nënkryetar i Kuvendit të Shqipërisë. Gjekmarkaj tha se situatën në PD nuk e zgjidh as vendimi i Gjykatës së Apelit, edhe sikur ky vendim të rrëzojë atë të dhënë nga gjyqtari Zhukri. Sipas tij, situata do të zgjidhet duke bërë një hap pas nga palët.
Gjekmarkaj tha se ka qenë prezent në Kuvendin e 18 dhjetorit 2021, ka parë njerëz në holl dhe një sallë plot të mbushur. Lidhur me përplasjet e 8 janarit 2022, Gjekmarkaj tha se nëse flasim për bashkim, disa gjëra duhet ti lemë mënjanë.
Discussion about this post