Në takimin e tij me Sekretarin e Përgjithshëm të OKB-së, Antonio Guterres, presidenti rus Vladimir Putin ka përmendur pavarësinë e Kosovës. Gjatë deklaratës së tyre për shtyp, Putin tha se i ka lexuar të gjitha dokumentet e Gjykatës Ndërkombëtarë të Drejtësisë për situatën në Kosovë. Sipas tij, edhe Luhansku dhe Donetsku kanë të njëjtën të drejtë si Kosova.
“Personalisht kam lexuar të gjitha dokumentet e Gjykatës Ndërkombëtare të Drejtësisë për situatën në Kosovë. Më kujtohet mirë në vendim ku thuhet që një apo tjetër territor për ta ushtruar të drejtën e vetëvendosjes, nuk është i detyruar të kërkojë leje për të deklaruar sovranitetin. Ky është një vendim i gjykatës ndërkombëtare. Ky vendim u mbështet gjithashtu nga të gjithë. Edhe Luhansku dhe Donetsku kanë të njëjtën të drejtë si Kosova” – tha Putin.
Ndërkohë që pas kësaj fjalë të Putin, Guterres tha i prerë se OKB nuk e njeh pavarësinë e Kosovës.
“Kombet e Bashkuara nuk e njohin pavarësinë e Kosovës” – tha Guterres.
Discussion about this post