Dritan Abazoviç, mandatari për kryeministër dhe koordinatori i shërbimeve të Sigurisë në Malin e Zi, ka reaguar ditën e sotme lidhur me mesazhet kërcënuese që janë dërguar në email-et e disa shkollave dhe institucioneve vendore.
Abazoviç në reagimin e tij ka bërë me dije se është e rëndësishme që qytetarët të ndihen të sigurt dhe se nuk ka asnjë arsye për të bërë panik.
“Policia duhet të bëjë punën e saj, është tentativë për të shkaktuar trazira te qytetarët, nuk ka përçarje në sektorin e sigurisë, sa i përket seancës së nesërme kam thënë sot në mëngjes që ka mundësi të raportohet për bombë. Apeli im është që asgjë e jashtëzakonshme nuk po ndodh. A është një shaka e pakëndshme, dëshira për ta bërë sistemin të paqëndrueshëm ndoshta të gjitha të përziera. Mendoj se gjithçka do të përfundojë mirë.”
Nga ana tjetër, ndër të tjera ai ka përmendur edhe gjuajtjen me gurë ndaj autobusit në Cetinje që nuk ishte një ngjarje dhe dënoi çdo lloj vandalizmi, por edhe përdorimin e fëmijëve në një drejtim në të cilin ata nuk duhet t’i përdorin.
“Ne nuk duhet t’i kontaminojmë fëmijët me nacionalizëm. Ajo që po ndodh nuk është fytyra e Malit të Zi. Këto struktura janë shumë të vogla, këta njerëz shpesh udhëhiqen nga interesa personale, financiare. Do të doja që këto gjëra të mos ndodhin më.”
Së fundmi, lidhur me vlerësimin e presidentit Milo Gjukanoviç se raportimet kanë qenë për shkak të zgjedhjes së qeverisë, ai është shprehur se nuk i ka ato informata, por edhe se nuk e përjashton edhe pse ka shumë probleme të tjera.
“Bombat kërcënohen nga ata që nuk duan përparimin e Malit të Zi dhe kësaj shoqërie dhe pajtimin. Unë nuk do ta lidhja me qeverinë e 43-të. Këta njerëz kanë agjendat e tyre, nuk janë përparimtarë dhe qëllimmirë. Ka shumë probleme të tjera”.
Discussion about this post