Me anë të një njoftimi zyrtar, Prokuroria e Posaçme kundër Korrupsionit dhe Krimit të Organizuar, ka hedhur poshtë pretendimet e publikuara në media se Nuredin Dumani është bërë bashkëpunëtor i drejtësisë. SPAK shprehet se Dumani ka vetëm statusin procedurial të të pandehurit në kuadër të çështjes penale që është hapur ndaj tij. Çështja penale ndodhet në GJKKO dhe po gjykohet sëbashku me të pandehurit Talo Çela, Enver Diva, Besmir Xhixha dhe disa të tjerë.
Lidhur më ngjarjen e ndodhur më datë 29 mars në Papër të Elbasanit ku mbeti i plagosur si pasojë e të shtënave me armë, për Dumanin po zhvillohen hetime. Ka qenë pikërisht kjo ngjarje që ka çuar në lokalizimin dhe arrestimin e Dumanit në qytetin e Fierit.
Kujtojmë se arrestimi i Dumanit ka ardhur pas një telefonate anonime mbrëmjen e 29 marsit për një person të plagosur në një apartament në lagjen “Apolonia” të Fierit çoi në prangat një nga emrat më të kërkuar të botës së krimit në Shqipëri. Nuredin Dumani arrestohet nga policia pas një atentati të dështuar në aksin PeqinElbasan, ku ai mbeti i plagosur me armë zjarri.
“Më datë 29 mars 2022, rreth orës 17:35, në aksin rrugor ElbasanCërrik, në Papër, është qëlluar me armë zjarri ndaj një automjetit tip ‘BMË’, në të cilin dyshohet se udhëtonte shtetasi i kërkuar. Pas marrjes dijeni për ndodhjen e kësaj ngjarjeje, falë veprimeve të shpejta dhe profesionale, si dhe ndjekjes në një kohë shumë të shpejtë nga strukturat e Drejtorisë Vendore të Policisë Elbasan, u arrit të lokalizohej dhe të kapej shtetasi Nuredin Dumani”, tha Policia e Shtetit.
Discussion about this post