Deputetja e opozitës ka diskutuar sot në një intervistë televizive situatën në PD dhe rolin e saj si opozitë. Ajo e quan përplasjen mes dy palëve brenda Partisë Demokratike një ndeshje që nuk ka fitues. “Në të vërtetë ajo që ndodhi gjatë kësaj kohe është eliminimi brenda vetes. Është kronikë e paralajmëruar për fat të keq”, tha ajo.
Sipas saj, në PD ka vetëm fjalë dhe jo koncepte “rithemelimi”, ndërsa bashkimi i demokratëve as që nuk mund të mendohet në këtë situatë, ku ata akoma nuk dinë se kë kanë drejtues. “Nuk ka koncept rithemelimi nëse ti nuk thua mbi çfarë vlerash do të bëhet ky rithemelim. Ka qenë doktor Berisha që e donte partinë më në qendër se aty ishin më shumë vota. Konservatorizmi shkon në Amerikë. Po në Evropë pjesa më me madhe e votave janë në qendrën e djathtë. Edhe PD kur ka qenë në pushtet ne s’kemi bërë ndonjëherë politika konservatore”, theksoi ajo.
Doda ngre shqetësimin se e djathta në Shqipëri po asgjësohet dhe askush nuk reagon.
Discussion about this post