Pas mbledhjes së kryesisë, kryeministri Edi Rama ka dhënë një deklaratë për mediat. Ai u shpreh nëse ka shpresë që të mund të bëjnë negociata me Partinë Demokratike për zgjedhjen e presidentit të ri. Por, duke lënë të kuptohet se njeh Berishën si “drejtues”, Rama tha se nuk mund të komunikojnë dhe gjejnë një zgjidhej me ata që “kanë vdekur” dhe nuk janë në këtë botë.
“Nuk ka akoma një proces, kemi dëgjuar raportin e bërë nga Komisioni i Posaçëm. E kam thënë dhe e përsëris që është shumë e qartë vija e kuqe për ne. Nuk e njoh vërtetë kush është ky Komisioni i Rithemelimit. Me botën e përtejme nuk negociojmë, etj. Gjallimi i tij fizik është diçka tjetër, gjallesa politike është diçka tjetër. Nuk bëjmë asnjë negociatë dhe nuk kemi asnjë komunikim për të bërë në funksion të të ardhmes në atë që në funksion të politikës është përfaqësues i botës së përtejme”, tha ai. Ndërsa shtoi që qeveria sheh me rëndësi që për zgjedhjen e presidentit po konsultohet me shoqërinë civile.
Discussion about this post