Problemet me pronësinë vazhdojnë të mbeten një fenomen shumë shqetësues në vendin tonë dhe qytetarët zvarriten me vite. Kjo edhe për shkak të abuzimeve që bëjnë punonjësit e Kadastrës. Për këtë arye në një interviste televizive, kreu i Kadastrës, Artan Lame, ka deklaruar se po vazhdojnë kontrollet dhe hetimet në çdo qytet. Sakaq, ai paralajmëroi se shumë shpejt do të kemi arrestime edhe në Kadastrën e Tiranës, sikur ndodhi pak javë më parë në Durrës.
“Së shpejti do të shohim edhe në Tiranë atë që ka ndodhur në Kadastrën e Durrësit, pasi ka patur mbivendosje të pronës”, u shpreh Lame. Më tutje ai tha se probleme më të shumta dalin me mbivendosjen e pronës, ku për një tokë dalin dy pronarë të ndryshme. Ose trualli ku ka banesën një familje i është dhënë një pronari tjetër edhe e anasjellta.
Discussion about this post