Përfundon mbledhja e Komisionit të Rithemelimit në selinë e Partisë Demokratike. Në një prononcim për mediat, ish-kryeministri Sali Berisha ka folur për vendimet që janë marrë në këtë mbledhje. Ai u shpreh se u diskutua për zgjerimin kombëtar si dhe u vlerësua shumë përfundimi i procesit të zgjedhjeve në parti. Berisha gjithashtu tha se zgjedhjet për kryetarin e ri të PD-së do të zhvillohen në datën 21 ose 22 maj.
“Konkluzionet e mbledhjes ishin disa vendime shumë të rëndësishme. U diskutua për zgjerimin kombëtar. U vlerësua shumë përfundimi i procesit të zgjedhjeve në parti. Ishte një proces shumë i mirë. Komisioni do të jetë para jush për t’ju informuar për të gjithë procesin. Do i propozohet Kuvendit data e zgjedhjes së kryetarit. 21 ose 22 e majit. Cilido kandidat do të përcaktojë rregullat po nga komisioni. Kandidaturën time do e shpall sapo të vendosë Kuvendi” – u shpreh Berisha.
Ish-kryeministri gjithashtu foli për rikthime në PD dhe këtu përmendi emra si Ridvan Bode, Jozefina Topalli, Rudina Hajdari, etj.
“Do ketë rikthime, zoti Arben Imami, Jozefina Topalli, kthehet ex offico. Majlinda Bregu? Varet nëse ia lejon funksioni. Edhe zoti Patosi, e zonja Hajdari. Deri në zgjedhjen e Kryetarit, në momentin që do zgjidhet Kryesia e PD-së, do të pushojë së ekzistuari Komisioni i Rithemelimit” – tha Berisha.
Discussion about this post