Autoritetet marokene njoftuan të mërkurën kapjen e një sasie rekord prej 31 tonësh kanabis në një magazinë pranë Tangierit , në veri të vendit dhe arrestimin e një të dyshuari.
Policia ka parandaluar një operacion të madh ndërkombëtar të trafikut të drogës duke sekuestruar një sasi rekord prej 31 ton 187 kg kanabis, sipas njoftimit për shtyp nga Drejtoria e Përgjithshme e Sigurisë Kombëtare.
Operacioni u krye në një magazinë pranë Tangierit, ku kanabisi ishte paketuar dhe vendosur në forma frutash dhe perimesh” , thuhet nga burimet marokene
Në magazinë është sekuestruar një frigorifer i madh me dhjetëra thasë dhe pako të tjera me hashash .
Një 61-vjeçar, i dënuar më parë është arrestuar dhe është lënë në paraburgim për “dyshimin për lidhje me një grup kriminal të përfshirë në trafikun ndërkombëtar të drogës”, njoftoi policia..
Policia marokene njoftojnë sekuestrime të sasive të mëdha të rrëshirës së kanabisit. Operacioni u shpall dje si më i rëndësishmi për këtë vit .
Më shumë se 191 ton kanabis u kapën në vitin 2021, 12% më pak nga viti 2020, sipas shifrave zyrtare.
Në vitin 2021, vendi miratoi një ligj që lejon përdorimin terapeutik të kanabisit, një reformë e madhe në Afrikën e Veriut, një nga prodhuesit kryesorë të hashashit në botë, me kulturat më të mëdha të vendosura në malet Rif .
Pavarësisht përpjekjeve për të luftuar kultivimin e kanabisit gjatë dekadës së fundit, Maroku mbetet një nga prodhuesit më të mëdhenj në botë të bimës narkotike, sipas Zyrës së OKB-së për Drogën dhe Krimin.
Discussion about this post