Një ditë pas mesazheve kërcënuese për bomba në disa institucione vendore shkolla, sot në Malin e Zi mësimi ka vazhduar normalisht nën monitoirmin e policisë. Mediat malazese bëjnë me dije se autoritetet kërkojnë që të raportohet çdo rast i dyshimtë që paraqet rrezik.
Sipas planit të UP-së, institucionet arsimore mëngjesin e sotëm janë duke vizituar patrullat e zyrtarëve të UP-së, duke folur me punonjësit në shkolla dhe kopshte, duke sqaruar se çdo sjellje e dyshimtë duhet të raportohet menjëherë.
Policia ka marrë masa parandaluese pas valës së djeshme të mesazheve shqetësuese dhe kërcënimeve për fëmijët nëpër shkolla, të cilat kanë mbërritur në email-et zyrtare të institucioneve të shumta në Mal të Zi, për këtë arsye është marrë vendimi për ndërprerjen e mësimit dhe punës në të gjitha institucionet arsimore.
Në email-et kërcënuese, një individ i panjohur ose disa prej tyre deklarojnë se “në territorin e shkollës janë vendosur shumë bomba”.
Policia ka evakuar rreth 200 institucione dhe gjatë kontrollit nuk ka gjetur asgjë të dyshimtë.
Nëpërmjet asistencës ndërkombëtare, hetuesit po kontrollojnë se nga kanë ardhur kërcënimet, cila organizatë apo individ është përgjegjës për serinë e ngacmimeve, por edhe cili është qëllimi i një veprimi të tillë.
Discussion about this post