Në një konferencë të përbashket, komisioneri për zgjerim Varhelyi është shprehur se Shqipëria dhe Maqedonia e Veriut duhet të durojnë dhe pak për hapjen e negociatave. Kjo është një këmbanë e keqe për kryeministrin Rama, i cili zhgënjimin e radhës e ktheu në sarkazëm duke thënë se nuk do të këmbëgulim pasi na mbyllin në banjo, si ata fëmijët që i mbyllin në filma kur ngulin këmbë.
“Ju tani doni një deklaratë që të shkatërrojmë të gjithë procesin e nisur me Bullgarinë, por jo nuk do të ketë një të tillë. Nuk mund të themi ne, e duam tani o rashë e vdiqa sepse ndryshe na mbyllin në banjo, si ata fëmijët që i mbyllin në filma kur ngulin këmbë. Nuk ikim për pengesë, do lëmë të bëjnë të gjitha provat dhe më pas do të themi që kjo gjë nuk bëhet, ne do ndjekim një tjetër rrugë. Edhe një tango nuk kërcehet vetëm, imagjinoni një valle me 27 vetë, kam eksperiencë me shaminë e beqarit” – tha Rama.
Discussion about this post