Maurizio Sarri do të jetë trajneri i Lazios në dy sezonet e ardhshme. Bisedimet e shumta mes drejtuesve Lotito-Tare dhe agjentit Fali Ramadani janë finalizuar me një akord 2-vjeçar.
62-vjeçari ka firmosur kontratën me klubin italian, që ka zgjedhur një mënyrë të veçantë për të zyrtarizuar marrëveshjen. Një emoji cigare ka postuar Lazio në Twitter.
“Kush ka për të ndezur?”, lexohet në postimin e Lazios, që i referohet fiksimit të trajnerit për të konsumuar cigare.
Rikthim në Serie A për Sarrin, i cili ka drejtuar më parë skuadrat e Empolit, Napolit dhe Juventusit. Me këta të fundit fitoi titullin kampion dhe Kupën e Italisë.
