Sekretari i Përgjithshëm të PD, Gazment Bardhi, ka zbardhur takimin me zyrtaren amerikane, Karen Donfried. Përmes një postimi në Twitter, Bardhi ka ndarë detaje nga ajo çfarë u diskutua me Ndihmës Sekretaren Amerikane të Shtetit për Evropën dhe Euro-Azinë, Karen Donfried. Ai shprehet se fokusi i diskutimeve ka qenë tek sfidat e PD si opozitë, por edhe për gjendjen në të cilën ndodhet. Ndërsa më tutje tregon se, ato kanë ngritur shqetësimet që lidhen me korrupsionin e kudogjendur në Shqipëri dhe masakrën zgjedhore të konfirmuar së fundmi nga SHBA.
“Kënaqësi të takonim sot Ndihmës Sekretaren Amerikane të Shtetit për Evropën dhe Euro-Azinë, znj. Karen Donfried. Shprehem qëndrimin tonë për sfidat e opozitës, konkluzionet e raportit të DASH për korrupsionin e kudogjendur në Shqipëri dhe masakrën zgjedhore të konfirmuar së fundmi nga SHBA, rolin e PD në procesin e integrimit europian dhe sfidat e Shqipërisë në Rajon. Një falenderim të sinqertë për rolin e SHBA dhe mbështetjen e vazhdueshme për Shqipërinë”, shkruan Bardhi.
Zyrtarja e lartë amerikane ditën e sotme zhvilloi takime me kryeministrin Rama në selinë qeveritare dhe me përfaqësuesit e PD, Enlekejd Alibeajn, Jorida Tabakun dhe Gazment Bardhin.
Discussion about this post