Detaje nga aksidenti në unazë ne zonën e Shallvareve. Autobusi sipër Lanës nuk do të zhvendoset por do të qëndrojë si instalacion për të ndërgjegjësuar qytetaret të respektojnë rregullat e qarkullimit rrugor
Shkak për ngjarjen dyshohet se është humbja e kontrollit nga autobusi i drejtuar nga 62-vjeçari Muhamet Kyçuku. Autobusi ka qenë duke qarkulluar në korsinë e mesit kur ka humbur kontrollin dhe nuk ka mundur dot të qëndroje në stacion. Për të shmangur përplasjen me mjete të tjera që po qarkullonin në këtë aks, drejtuesi i autobusit Muhamet Kyçuku ka nxjerrë autobusin nga rruga duke u përplasur fillimisht me një mjet Benz që drejtohej nga 27 vjeçari Jurgen Rama i cili ishte duke qarkulluar paralelisht në korsinë e djathtë.
Më pas mjetet u përplasën me një pemë dhe përfunduan në lumin Lana. Nga aksidenti morën lëndime të lehta 6 persona. Pritet ekspertimi teknik i autobusit për të kuptuar se kush e shkaktoi humbjen e kontrollit.
Discussion about this post