Superiorja rikthehet të martën me duelet e javës së 32-të. Një duel për vendin e tretë në tabelën e klasifikimit, prej orës 16:45.
Kukësi pret Partizanin dhe synimi i vetëm janë tre pikët, për të pasur në favor edhe ndeshjet direkte në rast barazimi me pikë në fund të sezonit.
Tani të dyja skuadrat janë edhe në presionin e Vllaznisë, që ka një pikë më pak. Shkodranët luajnë të enjten në Elbasan kundër Dinamos.
Tre takimet e tjera zhvillohen të mërkurën, nga ora 16:45. Tirana-Teuta, Egnatia-Laçi dhe Skënderbeu-Kastrioti janë në program për këtë javë.
Discussion about this post