Presidenti Ilir Meta ka reaguar ditën e sotme në Ditën Ndërkombëtare të Punëtorëve, ku ndër të tjera thekson se kjo nuk duhet të jetë festë por një ditë reflektimi për të gjithë për kushtet e punës.
Gjithashtu, kreu i shtetit përmes një postimi në rrjetet sociale ka shkruar se puna jo e mirë paguar, pa kontratë të rregullt dhe kontribute pensioni, pa sigurim shëndetësor dhe të drejta për pushim me pagesë e zhvesh punëtorin nga dinjiteti dhe e vendos në një marrëdhënie shfrytëzimi.
“1 Maji nuk mund të jetë thjeshtë një ditë feste, por një moment reflektimi për të gjitha ditët dhe kushtet e punës në Shqipëri. Puna jo e mirë paguar, pa kontratë të rregullt dhe kontribute pensioni, pa sigurim shëndetësor dhe të drejta për pushim me pagesë e zhvesh punëtorin nga dinjiteti dhe e vendos në një marrëdhënie shfrytëzimi.”
Ndër të tjera ai thekson se është e rëndësishme që të dëgjohet me përulësi zëri i punëtorëve.
“Kjo situatë duhet të marrë fund! Pasojat e rënda dhe afatgjata të pandemisë dhe luftës në Ukrainë, në veçanti rritja abuzive e çmimeve, e shtrojnë më me forcë këtë domosdoshmëri, në veçanti për rritjen e pagës minimale, garantimin e kushteve në vendin e punës dhe të çdo të drejte që siguron mirëqenie dhe drejtësi sociale. Të dëgjojmë me përulësi zërin e punëtorëve!”
Discussion about this post