Punonjësi i policisë nga Drenasi ka humbur jetën në fshatin Gradicë të Kosovës pasi ka rënë në pus. Banorët e zonës janë shprehur të tronditur nga ngjarja e rëndë që ka ndodhur.
Ata e kujtojnë Xhemajl Mujën si një njeri të respektuar, i cili kishte marrëdhënie të mira me të gjithë. Fjalë të mira për Mujën dhe veprimtarinë e tij ka edhe nga Organizata e Veteranëve të Luftës e Drenasit. Nga kjo organizatë deklarohet se Xhemajl Muja që nga rinia e tij ka qënë në shërbim të atdheut.
“Xhemajli ishte një djalë trim, i aftë, i përgatitur për luftë, ku për shkak të rezultateve të arritura në luftë, u emërua edhe si Komandant Togu. Ishte i angazhuar në Gradicë, mori pjesë në luftime në Gradicë, Gllanasellë, dhe ishte i gatshëm të shkoj kudo që ishte nevoja.
Pas përfundimit të luftës, Xhemajli kaloi prapë në shërbim të shtetit të Kosovës, si pjesëtar i Policisë së Kosovës, ku angazhimi i tij u dallua edhe aty.
“Lajmi për vdekjen e tij na ka tronditur të gjithëve”, tha Enver Hajdari nga OVL-UÇK. Gjatë luftës, Muja kishte shërbyer në Brigadën 114, ndërsa pas lufte kishte shërbyer si zyrtar policor në stacionin policor të Drenasit.
Discussion about this post