Pas 30-ditësh agjërimi besimtarët myslimanë festojnë sot Fiter Bajramin, festën që mbyll Muajin e Shenjtë të Ramazanit. Në këtë ditë të rëndësishme për ta, nuk kanë munguar as urimet e politikanëve tanë.
Kryeministri Edi Rama ka uruar Fiter Bajramin për të gjithë besimtarët myslymanë. Gjatë një postimi të shkurtër në rrjetet sociale, Rama ka zgjedhur që të urojë shqiptarët duke publikuar pamjet e Xhamisë së re në Mullet.
“MIRËMËNGJES dhe me pamjet e bukura të Xhamisë së re në Mullet, uroj të gjithë besimtarët myslimanë gëzuar festën e Fitër Bajramit”, shkruan Rama.
Gjithashtu edhe ish-kreu i Partisë Demokratike, Lulzim Basha ka uruar shqiptarët duke shkruar: “Të nderuar besimtarë myslimanë, nga zemra ju uroj Gëzuar Fiter Bajramin! Zoti ju faltë shëndet, mbarësi dhe mirësi ju dhe familjeve tuaja!”, shkruan Basha.
Nga ana tjetër, edhe ish kryeministrit Sali Berisha ka shkruar mesazhin e tij të urimit ku lutet që Zoti të pranojë agjërimin e besimtarëve.
Discussion about this post