Policia e Fierit ka finalizuar operacionin e radhës, ku si pasojë është arrestuar një 53-vjeçar. Mësohet se shetasi me B., 53 vjeç, banues në Levan, Fier, dyshohet se ka kryer veprime të turpshme me një të mitur. Sipas burimeve ka qenë vetë vajza që e ka denoncuar atë në polici, ndërsa po kryhen hetimet e nevojshme për të zbardhur më tej ngjarjen.
Gjithashtu, nga specialistët e Sektorit të Qarkullimit Rrugor në DVP Fier u proceduan penalisht shtetasit L. C., 65 vjeç dhe K. B., 19 vjeç, pasi në aksin rrugor Lushnjë- Divjakë, duke drejtuar përkatësisht mjetet tip “Benz” dhe “Honday”, janë përplasur dhe për pasojë është dëmtuar drejtuesi i motomjetit tip “Honday”, i cili ndodhet në spital nën kujdesin e mjekëve. Ndërsa bëhet me dije se kanë rënë në pranga dy të rinj për shkak se merreshin me shpërndarje të lëndëve narkotike.
Discussion about this post