Kryeministri i Kosovës, Albin Kurti dhe presidenti i Serbisë, Aleksander Vuçiç, do të zhvillojnë ditën e nesërme një takim me Kancelarin gjerman, Olaf Scholz. Ish i dërguari i BE për Kosovën, Ëolfgang Petritsch në një deklaratë për mediat ka thënë se me këtë takim, Scholz do të synojë të kontribuojë në zgjidhjen e çështjes kyçe të pazgjidhur në Ballkanin Perëndimor, e që është problemi mes Kosovës dhe Serbisë.
Diplomati evropian, ndër të tjera shprehet se Berlini zyrtar synon parandalimin e hapjes së fronteve të reja nga lufta që Rusia ka nisur në Ukrainë. Gjithashtu në takimin e së mërkurës në Berlin do të jetë edhe i dërguari special i BE-së për dialogun Kosovë-Serbi, Miroslav Lajcak, i cili pas takimit që do të ketë me kancelarin gjerman, në mbrëmje do të ketë një takim informal me Kurtin dhe Vuçiçin. Nga BE kanë thënë se ky takim i Lajçak synon nxitjen e progresit në negociatat mes Kosovës dhe Serbisë.
Discussion about this post