Gjatë fjalës së tij në Kuvendin shqiptar, presidenti i Ukrainës Volodymyr Zelensky, i kërkoi kryeministrit Edi Rama që të kufizojë ardhjen e turistëve rusë në Shqipëri.
Para deputetëve, Zelensky i kërkoi Ramës të forcojë sanksionet ndaj Rusisë, ku i kërkoi ndër të tjera kufizimin e turistëve ruse duke vënë në siklet kryeministrin dhe duke mos i lënë rrugë tjetër.
“As objektet e kishave ruse nuk po kursehen nga pushtuesit, një përpjekje për të ngjallur tiraninë. Ju jeni padyshim në anën e lirisë, faleminderit për hapat konkretë që keni bërë për të na mbështetur, ky qëndrim ndaj popullit të Ukrainës, më kujton Nënë Terezën, e njohur për aktet e saj humanitare në të gjithë botën. Unë besoj se duke punuar së bashku me të gjithë Europën, ne do të jemi në gjendje të mbrojmë Europën dhe të ardhmen nga kërcënimi rus. Qëndrimi duhet të përfshijë embargon ruse, bankat duhet të jenë të bllokuara, sado e vështirë të jetë kjo. Ju duhet të kufizoni ardhjen e turistëve rusë në Shqipëri, pasi ju nuk e dini se kush vjen së bashku me to”, tha Zelensky.
Discussion about this post