Një efektiv i policisë britanike është vendosur në pranga dhe është dënuar pasi gënjeu drejtësinë kur tha se kolegia e tij kishte qëlluar një trafikant droge me orgjinë shqiptare.
Abubakar Masum e kishte sajuar gjithçka pasi ishte fiksuar pas koleges së tij. Mesa duket fiksimi nuk i ka ecur si duhet dhe kjo e ka çuar deri në pikën sa të akuzonte atë se kishte qëlluar me armë zjarri një trafikant shqiptar. 24-vjeçari gënjeu se gruaja Mia Pitman kishte shtënë në drejtim të shqiptar duke bërë që drejtësia britanike të nisë një proces hetimi ndaj saj. Por gjithçka më pas rezultoi si një gënjeshtër.
Pasi u zbulua e gjithë sajesa, efektivi i policisë u mbajt në paraburgim deri sa doli në gjykatë ku është dënuar për shtrembërim të rrugës së drejtësisë dhe për akses të paautorizuar në sistemin kompjuterik të policisë, shkruajnë mediat britanike.
Gjithashtu, bëhet me dije se Masum u përball ditën e sotme në gjykatë me akuzat për shkelje të disa standardeve të sjelljes profesionale, duke përfshirë ndershmërinë dhe integritetin, konfidencialitetin dhe sjelljen diskredituese.
Masumi nuk u përgjigj nëse i pranonte apo ajo akuzat. Pasi është shkarkuar nga detyra e punonjësit të policisë ai është dënuar nga gjykata angleze.
Discussion about this post