Gledis Nano ka pezulluar nga detyra mbrëmjen e sotme shefin e Krimeve në Policinë e Divjakës. Ky vendim ka ardhur pas publikimit në media të faktit se Braho ka abuzuar me detyrën pasi u denoncua nga një kandidate për police, e cila ka publikuar mesazhet që ka shkëmbyer me Brahon, i cili i ka kërkuar favore duke i gjetur të dashur.
Në lajmin e publikuar nga Policia e Shtetit thuhet se për rastin në fjalë është masa e pezullimit pasi dyshohet se ka abuzuar me postin që ka. Ndërkohë Drejtoria e Standardeve Profesionale në Policinë e Shtetit ka nisur ecurinë disiplinore ndaj këtij punonjësi policie, për shkelje të rëndë.
Policia e Shtetit ka falënderuar mediat dhe qytetarët që denoncojnë raste të abuzimit me detyrën apo sjellje të pahijshme të punonjësve të Policisë dhe i nxit që të vijojnë të denoncojnë çdo rast abuziv që mund të kryejnë punonjës policie. Gjithashtu në njoftim Policia e Shtetit deklaron se është e vendosur për të larguar nga radhët e saj abuzuesit me detyrën dhe besimin e qytetarëve.
“Policia e Shtetit është e angazhuar në luftën ndaj krimit dhe paligjshmërisë, ndaj askush brenda saj nuk mund të njollosë imazhin e mijëra burra e grave, djemve dhe vajzave të Policisë që punojnë e sakrifikojnë duke zbatuar me korrektësi ligjin”, përmbyll Policia e Shtetit.
Discussion about this post