Konstitucionalistja Aurela Anastasi foli për krimet në familje të cilat kanë përfshirë Shqipërinë ditët e fundit.
Anastasi tha se vrasjet po kthehen në një fenomen shqetësues dhe për këtë bëri thirrje që aktorët politikë të bëhen bashkë për të zgjidhur problemet ligjore dhe të mos bëhen vetë problemi.
“Këto ngjarje janë shumë shqetësuese. Të gjitha qeveritë si të djathta e të majta se kur ka interes dhe ide për bashkëpunim mund të bëhen bashkë për të zgjidhur problemet ligjore për të parandaluar çështje të tilla që janë plagë e shoqërisë shqiptare dhe jo ti krijojnë ato vetë problemet. Dhe dua të theksoj se nuk është vetëm e ligjit, por e zbatimit të ligjit.
Por përveç kësaj është një çështje e ndërthur me elemente të tjerë të shoqërisë si arsimi, familja… Po ashtu është edhe çështje e Policisë së Shtetit dhe mekanizmave për referimin dhe menaxhimin rasteve kundër dhunës në familje, përfshirë koordinatorë vendorë që ndodhen pranë bashkive. Pra Policia e Shtetit dhe Bashkia janë institucionet kyçe”, tha më tej Anastasi.
