Nga Moska vijnë zëra se numër i caktuar ish-gjeneralësh dhe zyrtarësh të inteligjencës ruse të KGB-së po bëjnë plane për largimin e presidentit Putin për t’i dhënë fund luftës në Ukrainë e cila po shihet si një gabim strategjik dhe mbi të gjitha, një fatkeqësi ekonomike.
Sipas raporteve nga media lokale ruse po qarkullojnë lajme se kreu i shërbimit rus të sigurisë FSB-së ka kontaktuar një numër gjenelaësh dhe ish-zyrtarë të ushtrisë ruse pasi lufta nuk po ka patur përparime.
Një një grup i quajtur “Siloviki” që ka në përbërje ish-oficerë të FSB-së, të cilët janë aktivë në politikën ruse, thuhet se po përpiqet shumë të zëvendësojë Putinin, së bashku me ish-oficerët nga GRU, KGB dhe FSO, njësi të tjera të inteligjencës ruse.
Ideja se një grusht shteti mund të ketë gjithnjë e më shumë mundësi forcohe nga aktiviteti i mediave sociale në të gjithë Rusinë dhe Europën Lindore, i cili ka kaluar në tepricë në 24 orët e fundit. Për më tepër, analistët brenda dhe jashtë Rusisë kanë thënë se të gjitha shenjat ekzistojnë se Putini do të përballet së shpejti me një grusht shteti.
Presidenti rus thuhet se është shumë i shqetësuar dhe ka forcuar sigurinë brenda dhe rreth Kremlinit.
“Presidenti rus është përgatitur për një grusht shteti për disa javë pasi është përballur me kritika të ashpra për “operacionin e tij special” në Ukrainë dhe ai ka spastruar rreth 150 nga spiunët e tij për dështimet e vazhdueshme”, tha eksperti rus i sigurisë Andrei Soldatov.
Në një numër videosh presidenti rus duket i lodhur dhe i irrituar. Është bërë e qartë se marrëdhëniet midis FSB-së dhe Putinit janë përkeqësuar që nga fillimi i luftës. Muajin e kaluar, dy oficerë të lartë në FB, u vunë në arrest shtëpie nga Putin.
Andrei Soldatov, i cili drejton, ëebsajt-in investigativ i mirëinformuar nga Agentura, raportoi se Sergei Beseda, kreu i Shërbimit të Pestë, dega e inteligjencës së jashtme të FSB-së dhe zëvendësi i tij ishin arrestuar. Ky veprim shihet si një shenjë e qartë se Putini është thellësisht i shqetësuar për rolin e FSB-së në ofensivën kundër Ukrainës dhe ka frikë se forcat brenda aparatit të inteligjencës mund të punojnë kundër tij, thanë zyrtarët perëndimorë për platformën Agentura.
“Të dy burrat kanë luajtur një rol të madh në operacionet e inteligjencës kundër Ukrainës për disa vite dhe me shumë mundësi kanë luajtur një rol të madh në planifikimin e pushtimit,” tha njëri.
Analisti rus Alexey Muraviev është gjithashtu i bindur se presidenti rus po përballet me një grusht shteti nga shefat e tij të lartë ushtarakë dhe të inteligjencës. Ai tha se një përpjekje për të hequr Putin mund të jetë jashtëzakonisht e mundshme sepse mendon se ka pasur tensione midis Rusisë dhe komunitetit të inteligjencës dhe presidentit rus Vladimir Putin.
“Mendoj se ajo lloj narrative false iu paraqit atyre nga Komandanti Suprem i Përgjithshëm, dhe kur ai u kundërpërgjigj kur rusët filluan të merrnin viktima të rënda, Putini filloi të fajësonte në heshtje shërbimet e sigurisë. Unë nuk mendoj se shkoi shumë mirë edhe sepse ai vjen nga brenda aparatit të sigurisë.” vazhdoi ai.
Discussion about this post