Ish-kryeministri Sali Berisha ka reaguar lidhur me atë që policia e ka njoftuar si vetëvrasje të një të riu në komisariatin e Kavajës pasditen e sotme. Berisha shkruan se Avokati i Popullit duhet të verifikojë rastin dhe publikon mesazhin e një qytetari dixhital i cili pretendon për dhunë ndaj të riut.
“Vdes brenda komisariatit te Kavajës 28 vjeçari Ilvi Stameta. Qytetari dixhital akuzon policinë për dhunën e ushtruar dhe vdekjen e tij! I bej thirrje Avokatit te Popullit te verifikoje me urgjence rrethanat e vdekjes se dhunshme brenda narkokomisariatit. Dënoj me ashpërsinë me te madhe dhunën policore ndaj te riut qe i morën jetën”,shkruan Berisha.
Lexoni denoncimin e qytetarit dixhital. Sb
Përshëndetje doktor policia Kavajës vret një djalë 28 vjec të lutem doktor të hetohet kjo ngarje se janë kriminelat e PS që gjujn e vrasin njerëz pafajshëm. ilvi Meta emri i të vrarit. Duan ta paraqesin si vetvrasje po si mund të vetvritet një djalë 28 vjec në komiseriat mrena nuk mund të vetvritesh mrena komiseriat se ligji nuk lejon as lidhëse këpucësh asgjë as rryp pantallonash është zydi tosku me shok që detyron e rreh njerëz për me pranu krime me zor.
Discussion about this post