Një ngjarje e rëndë ka ndodhur në qytetin e Vlorës ku një grua ka gjetur mbetje kockore pranë banesës së saj. Ngjarja ka ndodhur në lagjen “Kushtrimi” të qytetit.
Ka qenë një banore e zonës me inicialet J.J që ka njoftuar policinë, pasi ka konstatuar eshtrat në një grumbull dherash pranë banesës së saj.
Një banore e lagjes ka thënë për mediat se edhe ajo i ka parë mbetjet kockore. “Ishte një kafkë koke njeriu dhe dy-tre eshtra të tjera. Erdhi policia, i morën. Makinat i kanë sjellë. Ka një dy javë aty”, thotë ajo.
Ngjarja është mister, ndërsa eshtrat janë marrë për ekzaminim nga Mjekësia-Ligjore. Sakaq, vijojnë hetimet për zbardhjen e plotë.
Discussion about this post