Deputeti i Partisë Socialiste, Erion Braçe ka reaguar sërish për skemën e karburantit për bujqësinë. Nga drejtoria e Bujqësisë në Lushnje, Braçe shprehet se fermerët janë ende në radhë për të marrë naftë.
Po ashtu ai është shprehur se procesi i verifikimit është duke u vonuar shumë.
“PER NAFTEN E BUJQVE! Cfare po ndodh? URDHERONI; Bashke me Eltinorin, drejtorin, po ua spjegoj pak: I gjithe procesi eshte ne faze kontrolli te dokumentave, POSACERISHT TE DOKUMENTAVE TE PRONESISE; Prej tyre detyrohet VERTETIM NGA KADASTRA, VERTETIM NGA BASHKIA; Pastaj dergim ne AZHBR E MIRATIM ATJE! KJO PO VONON! U torturuan bujqit, u torturuan nepunesit, BUROKRACIA TE MERR SHPIRTIN! Vjet kete pune e miratim e bente AREB, BUJQESIA shkurt, kete here TIRANA. Per shkak te burokracise, TANI PO KONTROLLOHEN APLIKIMET E DATES 8 MARS, nderkohe qe jane edhe 22 dite aplikime per tu kontrolluar! JEMI AQ MBRAPA SA SKA, NDERKOHE QE NEVOJA ESHTE E MADHE; 18 mije aplikime ka Jugu, 2700 karta jane ndare; 9000 aplikime ka Divjaka e Lushnja, 1200 karta janë shpërndare”, ka thënë ndër të tjerash Brace.
Ai shton se këto verifikime po marrin shumë kohë dhe kanë lënë në nevojë shumë të madhe fermerët. Ai është shprehur se përgjegjësit duhet të kuptojnë që bujqit nuk kanë kohë për burokraci, sepse ose do punojnë ose do plotësojnë tekat e shtetit.
Discussion about this post