Policia e Elbasanit ka arrestuar dy shtetas dhe ka proceduar penalisht në gjendje të lirë 5 të tjerë, për vepra të ndryshme penale.
Mes tyre një 57-vjeçare do hetohet në gjendje të lirë për “Vjedhje” pasi ka bërë kallëzim shtetasi me inicialet Sh. P., 30 vjeç, banues në Zvicër, se 57-vjeçarja, e cila është e punësuar si kujdestare për fëmijët, në banesën e tij, i ka vjedhur disa bizhuteri dhe një shumë parash.
Gjithashtu specialistët e Hetimit të Krimit të Komisariatit të Policisë së Elbasanit kanë arrestuar për veprën penale “Mashtrim”, shtetasin me inicialet S. P., 23 vjeç, banues në lagjen “Sul Papri” (punonjës në një kompani sigurimi), pasi me anë të mashtrimit, i ka marrë disa herë, shuma të ndryshme parash, shtetasit I. H., me qëllimin për ta pajisur me dokumentacion për mjetin.
Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
Discussion about this post