Mashtroi klientin duke i marrë disa herë para, arrestohet 23-vjeçari punonjës në një kompani sigurimi

Policia e Elbasanit ka arrestuar një 23-vjeçar, i cili punonte në një kompani sigurimi dhe ka mashtruar një klient duke i marrë disa herë para.

Burime zyrtare nga policia thonë se specialistët e hetimit të krimit në komisariatin e Elbasanit, ndaluan me iniciativë, për veprën penale “mashtrimi”, 23-vjeçarin me inicialet S. P., banues në lagjen “Sul Papri”, Elbasan.

I riu, me anë të mashtrimit, i ka marrë disa herë, shuma të ndryshme parash, shtetasit I. H., me zotimin për ta pajisur me dokumentacion për mjetin.