Dalin fotot e fundit të çiftit polak që humbën jetën në aksidentin në Shkodër

Pamjet e mëposhtme janë fotografitë e dy turistëve polak që humbën jetën fatkeqësisht ditën e sotme në Shkodër.

Lidhur me ngjarjen, sipas policisë u bë me dije se një automjet tip “Volkswagen”, me drejtues shtetasin me iniciale D. Gj., 27 vjeç, është përplasur me një motomjet, ku udhëtonte një çift polak të cilët kanë humbur jetën.

Si pasojë e përplasjes shtetasit Waldemar Makowski, 45 vjeç dhe pasagjerja në motomjet, shtetasja Marta Makowska, 42 vjeçe kanë humbur jetën.

Së fundmi, mësohet se pamjet janë postuar në rrjetin social Instagram të çiftit Waldemar Makowski dhe Marta Makowska.