Zbulohet shënjestra e zjarrit në Shkodër, ku katër makina u përfshinë nga flakët në orët e para të mëngjesit. Djegia sipas policisë është e qëllimshme dhe dyshohet se autorët kanë pasur për qellim mjetin që kishte në përdorim shtetasi Gazmend Dushku, një “Audi A6” me targë AB 006 GD, ky i fundit i arrestuar në vitin 2016 për tentativë vrasjeje
Po ashtu duke qenë se ishin të parkuara afër janë djegur edhe tre mjete të tjera, një tjetër “Audi A6”, një automjet tip “Golf” dhe një “Opel”. Këto dy të fundit janë djegur pjesërisht.
Ngjarja ndodhi në afërsi të daljes së By Passit, ku mjetet ishin parkuar pas një pallati. Policia ka nisur hetimet për zbardhjen e ngjarjes dhe identifikimin e autorëve.
Discussion about this post