Pirro Hamzaraj ka rënë sot në prangat e policisë, pasi u kap në flagrancë duke mbjellë drogë. Bëhet me dije se policia kishte marrë më parë të dhënat se 49-vjeçari merrej me kultivim të lënëve narkotike dhe sot shkuan në shtëpinë tij për kontroll, ku e gjetën atë në përgatitje e sipër të mbjellë kanabis në tokën pranë shtëpisë.
Gjatë kontrollit të banesës së Hamzarajt, Policia gjeti dhe sekuestroi në cilësinë e provës materiale, një armë zjarri (pistoletë me mulli), një armë gjahu, municion luftarak dhe tri qese me lëndë narkotike cannabis sativa, në formë boçeje, me peshë rreth 1.3 kilogramë.
Në këtë kuadër, materialet proceduriale i kaluan Prokurorisë pranë Gjykatës së Shkallës së Parë Fier, për veprime të mëtejshme, për veprat penale “Prodhimi dhe shitja e narkotikëve, “Prodhimi dhe mbajtja pa leje e armëve luftarake dhe municionit” dhe “Prodhimi dhe mbajtja pa leje e armëve të gjuetisë dhe sportive”.
Discussion about this post